Saatlar

Huawei P30 seriyası ilə Watch GT ağıllı saatların təqdim edəcək

Huawei Smart Watch

Keçən ilin oktyabr ayında Huawei şirkəti özünün Watch GT adlı smart saat modelini təqdim etmişdi. Məşhur insayder Roland Quandt-ın verdiyi məlumata əsasən isə yaxın zamanda sözügedən smart saat modelinin yeni versiyaları təqdim olunacaq. Bu barədə Winfuture saytı xəbər verib. Məlumata əsasən yeni smart saat modelləri Huawei Watch GT Active və Watch GT Elegant adlanırlar. Active modelinin render fotosu artıq mövcuddur.

Xarici görünüşcə yeni smart saat modelləri adi Watch GT-ə bənzəyirlər. Sadəcə olaraq Active modelinin kəmərləri yaşıl və narıncı rənglərdə olacaqlar. Elegant modeli isə klassik olaraq qara və ağ rəngdə kəmərlər ilə satılacaq. Çox güman ki, dəyişikliklər həmçinin yeni smart saat modellərinin texniki özəlliklərini də əhatə edəcəklər. Çox güman ki, saatlar elə həminki 454×454 piksel keyfiyyətli 1.39 düym AMOLED ekranla təchiz olunacaqlar. Bununla yanaşı onlarda Lite OS əməliyyat sisteminin də qalacağı güman edilir.

Həmçinin şirkət yeni modellərə həm də yeni ötürücülər və funksiyalar əlavə edəcək. Yeni saat modelləri adi Watch GT-dən bir qədər baha satılacaqlar. Belə ki, Active modeli 249 avro dəyərində, Elegant modeli isə 229 avro dəyərində qiymətləndirilir. Qeyd etmək lazımdır ki, keçən ilin oktyabr ayında təqdim olunmuş adi Watch GT modeli 199 avro qiymətində satılırdı. Çox güman ki, yeni smart saat modelləri 26 mart tarixində Huawei P30 və P30 Pro smartfon modelləri ilə birlikdə təqdim olunacaqlar./Bizplus

Teqlər

Ilkin Azimov

2019-cu ildə həvəs olsun deyə yox, böyük nailiyyətlər əldə etmək üçün bu yola baş qoydum. Xalqımın texnologiyanı xarici saytlardan deyil də, öz doğma dilində bizlərdən öyrənməsini istəyirəm. Doğma dilimizdə mənbələr olmadığı üçün mən sevə-sevə sizlərə melumatları öz dilimizdə təqdim edirəm.

Oxşar Məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Close
Close